Spanja është goditur nga një stuhi “Filomena”, shoqëruar nga reshje të dendura bore dhe në gjysmën e shtetit është ndezur alarmi i kuq. Për shkak të stuhisë së borës, mësohet se të gjitha linjat ajrore dhe hekurudhore në Madrid janë mbyllur.
BBC ka raportuar se stuhia “Filomena” pritet të lëvizë drejt Evropës Lindore, kryesisht në Ballkan.
Fillimisht do të preken Shqipëria dhe Greqia, ku nuk do të mungojnë reshjet e dendura të shiut dhe të borës.
Më pas nga stuhia do të goditet edhe pjesa qendrore e Ballkanit dhe Veriu i Italisë. Moti ekstrem dhe temperaturat e ulta pritet të vazhdojnë edhe gjatë fundjavës, me temperaturat në Madrid që parashikohet të arrijnë deri në -12 C të enjten.
