Ish-ministri i Drejtësisë, Ylli Manjani, ka dalë me një reagim të fortë, marrë shkas nga aksionet e fundit të SPAK ndaj zyrtarëve të lartë. Nisur nga ultimatumi që Rama iu dha dje ministrave se do t’i çojë vetë në SPAK, Manjani ka ngritur një shqetësim.
Ish-ministri shprehet se askujt nuk i shkon ndërmend ti referohet ligjeve që thonë se SPAK është i pavarur. Pavarësia është në radhë të parë. Tejet i drejtpërdrejtë, Manjani thotë se SPAK u krijua për ‘t’iu sulur’ kreut të qeverisë, dhe jo për ti zbatuar urdhrat/sugjerimet/denoncimet publike të tij, me qëllim të pastër politik.
Dje shefi i qeverisë mblodhi në një takim ministra, ku foli për paketën e re të prokurimeve. Në fjalën e tij, Rama deklaroi se nuk do të mbrojë asnjë nga të vetët para drejtësisë, teksa u shpreh se ai do të çojë në SPAK këdo që shkel ligjin. Ai u shpreh se brenda një kohe të shkurtër duhet që shteti të kalojë në një nivel tjetër të Prokurimeve Publike, duke garantuar komunikim të mirë në çdo institucion.
Statusi
Lajm:
“…Do ju çoj në SPAK…”- u thotë Rama ministrave.
Vu lajmet. Faqet e para të gazetave. Breaking neës-et. Në darkë bëhet dhe një arrest shtëpiak. Prap Rama në lajme.
Rama të çon në SPAK. Ky i fundit vepron menjëherë.
Mirëpo asnjërit prej lajmeve nuk i bën përshtypje më lidhja e drejtpërdrejtë Rama-SPAK!!! Rama denoncon SPAK-u vepron.
Asnjërit prej lajmeve nuk u shkon ndërmend ti referohet ligjeve që thonë se SPAK është i pavarur. Pavarësia është në radhë parë nga Kryeministri.
SPAK u shpik për t’iu sulur Kryeministrit dhe jo për ti zbatuar urdhërat/sugjerimet/denoncimet publike të Tij, me qëllim të pastër politik.
Asnjë lajm nuk e sheh këtë sjellje vetdenoncuese të Kryeministrit si kontroll ose minimalisht ndikim në pavarësinë e SPAK!!!
*****
Morfologjisë së fjalive të lajmeve, krahas koncepteve klasike:
Kryefjalë-SPAK.
Kallëzues- opozita/individët/shoqatat
I shtohen edhe:
Urdhëruesi- Kryeministri
Rrethanorët- Ambasadorët…
Reformë jo shaka!
