Avokati Spartak Ngjela ka reaguar për aksionin që po zhvillon sot SPAK në Kadastrën e Vlorës, ku ka sekuestruar disa ‘dosje të nxehta. Ngjela, pa publikuar emrat, thotë se zyrtarët e lartë atje i kanë provat e krimit.
Ai thotë se kryeministrat dhe ministrat, kanë tjetërsuar atje mijëra hektarë, që nga Vlora e deri në Sarandë. Po kështu kanë implikuar dhjetëra të tjerë si pronarë të rinj tokash, me të cilët janë të lidhur kriminalisht.
SPAK ka zbarkuar mëngjesin e sotëm në Kadastrën e Vlorës. Kjo Kadastër ka pasur probleme të mëparshme me drejtuesit, për shkak të dorëheqjeve të njëpasnjëshme. Policia në jug ka nisur prej muajsh operacionin ‘Bregdeti Ynë’, për të shembur objekte pa leje dhe për të ndëshkuar përgjegjësit e tyre.
Statusi
Prokuroria e Posaçme ka zbarkuar sot në kadastrën e Vlorës.
Kjo po më jep idenë pozitive të karakterit profesional kundër korrupsionit.
Të korruptuarit e lartë: kryeministra dhe ministra, atje i kanë provat e krimit. Dhe atje duhej të fillonte çmontimi hetimor i krimit shtetëror tridhjet- vjeçar.
Këta banditë, kanë tjetërsuar atje mijëra hektarë, që nga Vlora e deri në Sarandë, dhe, në fshehje, kanë implikuar dhjetëra të tjerë si pronarë të rinj tokash, me të cilët janë të lidhur kriminamisht.
Të gjithë: brishajt, metajt, ramajt, bashajt, dhe një varg i madh ministrash, atje janë derdhur si të babëzitur dhe me tërbim zhvatës.
Dhe ja, pikërisht atje po duket se po fillon hetimi antikorrupsion, i korrupsionit kryeministror shqiptar, në tridhjet vjet.
Koha duket se po çmomton krimin tridhjet-vjeçar, duke filluar nga Vlora.
Duhet pritur me arsye të vëmendshme.
