Prokurori Maksim Sota u arrestua me urdhër të SPAK, në kuadër të operacionit “Shpirti”, ndërsa është lënë në “arrest shtëpie”. Ai akuzohet si i përfshirë në rrjetin e trafikut të drogës Shqipëri-Itali. Një automjet që dyshohet se i përket prokurorit të Vlorës, Maksim Sota të cilën ia kanë blerë trafikantët e drogës, është sekuestruar me urdhër të SPAK. Ai ka apeluar masën e sekuestros, dhe ka kërkuar që t’i kthehet mjeti i sekuestruar. Seanca do të mbahet më 27 korrik, ku apeli i GJKKO-së do vendosë nëse do ia kthejë apo jo mjetin.
Prokurori i Vlorës, Maksim Sota ka rënë në pranga si pjesë e një megaoperacioni që është zhvilluar në disa shtete, dhe janë arrestuar edhe 28 persona të tjerë, ndërsa Gjykata i dha masën “Arrest shtëpie”.
Sipas SPAK, në bazë të hetimit, rezulton se prokurori ka jetuar në një shtëpi me një të dënuar për trafik droge, apartament që qiraja paguhej nga një tjetër trafikant, edhe ai i arrestuar tashmë në operacionin “Shpirti”.
