Ish-kreu i Aleancës Kuqezi, Kreshnik Spahiu, nuk ka të ndalur sulmet në adresë të ish-kryeministrit Sali Berisha. Përmes një statusi në rrjetet sociale, Spahiu kërkon nisjen e hetimeve nga Prokuroria, sa i takon vendimit të Berishës për të mbyllur Institutin e Sizmologjisë. Pasi sipas tij, ky është një krim i rëndë shtetëror.
“Të mbyllësh me VKM Institutin e Kërkimeve Sizmologjike dhe të shkrish nën/stacionet, është njësoj sikur me vendim qeverie të mbyllësh QSUT dhe spitalet, me pretendimin që Shqipëria s’do preket nga sëmundjet! Prangat i kanë pak dhe hak!”.
Po ashtu, përmes një statusi të dytë në rrjetet sociale, Spahiu akuzon ish-kryeministrin Berisha, se gjatë kohës që ai ka qenë në pushtet ka bërë batërdi me tokat.
