Ish-kreu i “Aleancës Kuq e Zi” Kreshnik Spahiu, shprehet se Meta nuk është president i shqiptarëve, dhe se flamuri i tij është partia.
Statusi
Meta nuk është President i shqiptarve!
Ndryshe nga ai, Ne pas flamurit kuqezi kemi:
Të dytën flamurin e Kosovës,
Të tretën Çamërinë,
Të katërtën Shkupin (Ilridën)
Të pestën Ulqinin
Të gjashtēn Europën dhe flamurin e BE
Të shtatēn Amerikën ??
Thjesht flamuri i tij është Partia, Jo shqiptaria
Nga ana tjetër, Meta ka shpërndarë në Facebook një video nga protesta e djeshme. Bashkëngjitur videos ai ka shkruar:
“Demokracia nuk rrezikohet kur populli ngrihet në mbrojtje të Kushtetutës, por kur pushteti, me anë të ligjeve antikushtetuese dhe antipopullore, kërkon të shtypë vullnetin e popullit, të drejtat e qytetarëve dhe të drejtat e tyre kushtetuese.
POPULLI KUQEZI ËSHTË ZGJUAR!”.
Teksa të gjithë prisnin që Meta të firmoste shpërndarjen e Parlamentit, nuk ndodhi kështu. Meta firmosi kthimin për rishqyrtim të ndryshimeve në ligjin për Gjykatën Kushtetuese, ku i rrudhën kompetencat sa i takon betimit të gjyqtarëve. Meta kërcënoi hapur se do e firmosë atë dekret, dhe dha sinjale se po përgatitet për kaos e dhunë.
Ai u shpreh para turmës se do të presë deri më 15 mars, kur do të bëhet dhe miratimi i reformës zgjedhore. Nëse mazhoranca voton kundër dekreteve të tij, ai atëherë do të firmosë jo vetëm shpërndarjen e Parlamentit, por do të tentojë mësymjen në sallë. Sipas tij, nëse nuk ka reflektim pas 15 marsit, do të nisë konsultimet me opozitën dhe të vulosë shpërndarjen e Parlamentit.
