Juristi i njohur, Kreshnik Spahiu një deklaratë të fortë në ”Open”, ku tha se opozita ka organizuar veprime dhe skenare në protestat për Klodian Rashën.
Sipas tij, qeveria e konsumuar po bën gabime të njëpasnjëshme dhe opozita po e shfrytëzon.
Kreshnik Spahiu: Kjo ishte një dhuratë për Krishtlindje që i erdhi opozitës. Ky pushtet i konsumuar po gabon dhe po i jep gjithnjë e më shumë dhurata opozitës. Dhe kjo e fundit ka çdo të drejtë që t’i shfrytëzoj. Protesta është 100% e ligjshme dhe e duhur. Sepse nëse nuk do kishim protestë s’do kishim dorëheqjen e ministrit, s’do kishim pensionin për familjen, e madje do kishim policin e dekoruar tani. Protetsa ka vlera dhe pse u pa dhunë në të. Të mërkurën kam thënë që do ndodhi dhunë dhe pas dhunës është opozita, por opozita s’do dali hapur, sepse 1 vit më parë është cilësuar organizatë terroriste nga ndërkombëtarët. Unë i kam parë tabulatët telefonikë, mesazhe të liderëv të opozitës, nuk flas vetëm për kryetarin, kanë dërguar mesazhe dhe ka shumë biseda telefonike ku kanë orientuar organizimet dhe dhunën në protestë.
