Sikundër e njoftoi pak më herët kryeministri Rama, sot do të nisë vaksinimi i personave të parë anti-COVID. Procesi do të startojë pasditen e kësaj të hëne, teksa është parashikuar edhe një konferencë nga Ministria e Shëndetësisë ku do të japë më shumë detaje.
Nën moton “Shqipëria buzëqesh”, vaksinimi do të realizohet në stadiumin kombëtar “Air Albania”, me qëllim shmangien e grumbullimeve dhe radhëve të gjata. Në të gjithë ambientin e stadiumit janë vendosur 60 poltronet ku do të kryhet vaksina, dhe puna do të vijojë për 8-10 orë në ditë. Në total është parashikuar vaksinimi i 60 qytetarëve.
Kryeministri Edi Rama shkruan se lufta me ‘armikun e padukshëm’, siç e konsideron ai koronavirusin, sot hyn në fazën e ofensivës së madhe për largimin e tij përfundimtar nga jeta jonë.
Statusi
MIRËMËNGJES
dhe disa orë nga nisja e fushatës së vaksinimit #ShqipëriaBuzëqesh duke ju marrë pak minuta nga koha juaj, për të hedhur vështrimin pas në orët, minutat, ditët, javët e muajt e jashtëzakonshëm të luftës me Armikun e Padukshëm, e cila sot hyn në fazën e ofensivës së madhe për largimin e tij përfundimtar nga jeta jonë, ju uroj një javë të mbarë.
