“E mbivlerësojnë për shkak të politikës”, Rezarti flet për Gaz Pajën

Rezart Veleshnja dha një deklaratë provokuese në sfidën “Shiko kush përgjigjet” në “Shiko kush luan”, duke thënë për kolegun e tij Gaz Paja se është mbivlerësuar, kjo për shkak edhe të angazhimit të këtij të fundit me politikën.

Rezarti mjaft i drejtpërdrejtë me reagimin e tij, teksa ishte në “Shiko kush luan”, i habiti të gjithë me emrin që shprehu. Ai tha se Gaz Paja, që është edhe kolegu i tij në “Portokalli”, është i mbivlerësuar.

Këtë përzgjedhje ai e shpjegoi me faktin se Gazi është bërë pjesë e politikës, që gjithmonë paguan shumë për t’i bërë artistët pjesë të saj, dhe për të pastruar emrin në këtë mënyrë.

“Gaz Pajën e mbivlerësojnë se është pjesë e politikës. Politika ka pasur gjithmonë emër të pistë dhe e pastrojnë me emra të artit, dhe me këtë rast e mbivlerësojnë se duhet ta paguajnë”, u shpreh Rezarti.

Kaq mjaftoi që kjo deklaratë të bënte xhiron e rrjetit. Duke marrë shkas edhe nga lajmet që qarkulluan në median rozë, ai shfajësohet duke thënë se është keqinterpretuar.