“Kam qarë me kokërr të lotit”, moderatorja e njohur: Më kanë ngacmuar në punë

Moderatorja Fjoralba Ponari ka ndarë me publikun vështirësitë e punës në televizion. Fillimet e saj duket se kanë qënë të vështira, e ndërsa ka patur edhe raste kur ajo e ka menduar dorëheqjen.

Por kolegët e saj nuk e kanë lënë në ‘baltë’, duke i dhënë një shtysë përpara për të vijuar sikur asgjë të mos kishte ndodhur. Dje në rubrikën “Trotuar” në “E Diell”, u diskutua në lidhje me sekretet, ku moderatorja Fjoralba Ponari, vendosi të ndante me të ftuarit një histori të saj personale.

“Kur kemi qenë ne te “Top Arena”, ku ka qenë eksperienca e parë e vërtetë e imja televizive. Nuk kisha eksperiencë, nuk dija si të sillesha në momente të caktuara dhe kam patur një personazh të ftuar që ishte pa filtra, gati gati në prapaskena gjëja shkoi në ngacmim seksual. Pas kësaj kam marrë në telefon Ervin Kurtin, kam qarë me kokërr të lotit. Pa i thënë askujt, kisha vendosur që të largohesha nga “Top Arena”, ka shumë që shkelin mbi gjemba, por do ia marrësh dorën. Ka qenë Ervini që më ka nxjerrë në shina”, tha ajo.