Maxhoranca do të mbledhë parlamentin këtë të mërkurë në orën 10:00. Menjëherë pas njoftimit të saj (dje), për këtë ndryshim të ditës se seancës, edhe PD ka thirrur në protestë mbështetësit e saj.
Sikundër është paralajmëruar edhe më herët, PD do të jetë në protestë para Kuvendit, në çdo punim seance. Ditën e sotme Parlamenti do të mblidhet në orën 10:00, ndërsa PD dhe aleatët e saj do të vendoset që prej orën 09:30.
Organizimi i protestës do të jetë i njëjtë me atë të protestave të mëparshme, ndërkohë që mësohet se peshën kryesore do ta mbajnë të rinjtë e forumit rinor të PD-së. Kreu i PD, Lulzim Basha, do të mungojë sot në protestë për shkak të angazhimeve që do të ketë jashtë vendit.
Mësohet se Basha është nisur të martën drejt Gjermanisë, ku do të takohet me përfaqësues të CDU-së për t’i njohur me situatën politike në Shqipëri.
Nga ana tjetër, edhe Policia ka hartuar një plan të detajuar masash, për të mos lejuar përplasjen e protestuesve me deputetët e shumicës.
