Shqipëria ndodhet para një vendimi historik, që pritet të jepet në qershor në mbledhjen e Këshillit Evropian. Ky vendim do të përcaktojë nëse Shqipëria është gati për hapjen e negociatave për anëtarësimin e saj në Bashkimin Evropian.
Megjithatë, pas Samitit të Berlinit u përfol për një shtyrje të vendimit për në shtator, me arsyetimin se duke qenë se Raporti i Përparimit të Komisionit Europian do bëhet publike vetëm më 28 maj 2019, Bundestagu nuk ka kohë të mjaftueshme ta shqyrtojë atë para shtatorit 2019.
Megjithatë, ministri i Jashtëm në detyrë, Gent Cakaj u shpreh optimist pas këtij takimi, ku dha lajmin e madh se Gjermania do të mbështesë çeljen e negociatave. Jo kaq optimist u tregua kryeministri Rama, i cili pohoi se Shqipëria i ka përmbushur detyrat e saj dhe se kurrsesi nuk është folur për mosçelje negociatash për ndonjë arsye që lidhet me Shqipërinë.
Edhe pse në ulje, numri i azilkërkuesve shqiptarë vijon të mbetet i lartë, një nga pikat kyçe kjo të vëna si kriter për çeljen e negociatave, ku është kërkuar zhdukja e këtij fenomeni.
Nga ana tjetër, opozita mban qëndrim skeptik lidhur me çeljen e negociatave, duke drejtuar gishtin nga kryeministri Rama, si fajtor për rritjen e kriminalitetit në vend.
Tirana Today pyet qytetarët në një sondazh, lidhur me rrugëtimin e Shqipërisë drejt Bashkimit Europian. A mendoni se Shqipëria do të marrë një “PO” dhe do të çelen negociatat në muajin qershor?
Klikoni linkun më poshtë për të votuar në këtë sondazh.
SONDAZH/ Rrugëtimi drejt BE-së, a do të çelen negociatat në qershor?
