Ambasadori i BE-së në Shqipëri, Luigi Soreca ka folur rreth mbledhjes që Këshilli Evropian ka zhvilluar lidhur me situatën e krijuar në Shqipëri pas tërmetit.
Përmes një postimi në Twitter, Soreca tregon se Këshilli Evropian mirëpret njoftimin e Komisionit për të ofruar ndihmë humanitare dhe për të organizuar një konferencë donatorësh.
“Përfundimet e Këshillit Evropian të 12 dhjetorit 2019: “Bashkimi Evropian qëndron në solidaritet me Shqipërinë pas tërmetit të fundit. Këshilli Evropian mirëpret njoftimin e Komisionit për të ofruar ndihmë humanitare dhe për të organizuar një konferencë donatorësh”, tha ai.
