Ekstremistët shqiptarë, me ndihmën e politikanëve nga Kosova, janë mbledhur në qendër të Tiranës për të protestuar kundër presidentit serb Aleksandar Vuçiç, i cili ndodhet në qytet në kuadër të nismës “Ballkani i Hapur”. Ata ngritën gjithashtu një skenë për protestuesit në qendër të Tiranës.
Informacioni i fundit është se protestuesit do të ndahen në dy grupe, dhe do të tentojnë të presin kolonën që shkon nga aeroporti.
Një grup, disa mijëra prej tyre, po protestojnë para ndërtesës së Qeverisë në Tiranë, e cila është jo shumë larg ambasadës serbe, pra vetëm pak minuta në këmbë nga hoteli ku ndodhet delegacioni serb.
Grupi tjetër planifikon të presë rrugën për në kolonën nga aeroporti ku ndodhet presidenti Vuçiç.
Gjatë protestës, ekstremistët hoqën flamujt serbë që ishin varur nëpër qytet, dhe më pas i dogjën.
2000 policë janë vendosur për të ruajtur rendin në Tiranë, ndërsa snajperët janë vendosur në çatitë e godinave.
Sipas burimeve tona, organizator i demonstratës është ish-presidenti dhe kryeministri Sali Berisha.
Burimet pohojnë se Berisha ka kontaktuar personalisht me Ramush Haradinajn për të siguruar praninë e të paktën 100 personave nga Kosova në këtë protestë.
Kujtojmë se ekstremistët shqiptarë protestuan kundër presidentit Vuçiç edhe në vitin 2019, kur ai vizitoi Tiranën për të rënë dakord me Edi Ramën për nismën “Ballkani i Hapur”.
Burimi i lajmit: kurir. Përshtatur nga Tirana Today
