Gazetari Telnis Skuqi ka reaguar sërish pasi kryetari i Bashkisë Gjirokastër, Flamur Golemi, shpërndau në rrjetet sociale dokumentet e diplomës së shkollës së mesme dhe asaj të lartë. Në një reagim për mediat, Skuqi i drejtohet Golemit të cilit i thekson se nuk ka parë gjë akoma, pasi sipas deklarimeve të bëra nga Golemi, rezulton se kryebashkiaku ka mbaruar dy gjimnaze. Sipas tij, skandali vijon më tej pasi ai figuron me dy numra të ndryshme amze në dy gjimnaze të ndryshe, gjatë periudhës 1990-1993. Gazetari kërkon të dijë se pse emri i Flamur Golemit figuron në dy gjimnaze të ndryshme në të njëjtën kohë. Ai ka parashtruar një sërë pyetjesh, ndërsa e ka paralajmëruar se nuk ka parë asgjë akoma, pasi loja vazhdon.
Statusi
«NUK KE PARË ASGJË AKOMA, FLAMUR»
Nga Telnis Skuqi
Një kryebashkiak që prej vitesh kishte informuar opinion publik se gjimnazin e jetës së tij e ka përfunduar në Fier, rezultoj një gënjeshtër e madhe.
Sipas rregjistrit të gjimnazit «Janaq Kilici», ai është regjistruar për herë të parë në vitin 1993, pra Golemi ka krye vetëm vitin e katër në qytetin e Fierit, ndërsa tri vitet e tjera nga viti 1990-1993, ai e ka krye gjimnazin në Leskovik (Më afër është Tirana se sa Leskoviku nga Gjirokastra)
Shkurt fare: Golemi e kanë marrë prej veshi prindërit e tij dhe e kanë ulur direkt në vitin e katër të gjimnazit.
Vetëm një i çmendur mund të besoj se gjimnazi «Jani Vreto» i Leskovikut është më cilësor se gjimnazi i Kardhiqit.
Por skandali vazhdon më tej, sepse ai figuron me dy numra të ndryshme amze në dy gjimnaze të ndryshe gjatë periudhës 1990-1993.
Natyrshëm lindin katër pyetje për të:
1) Pse emri yt figuron në dy gjimnaze të ndryshe në të njëjtën kohë?
2) Në çfarë gjimnazi i ke kryer tri vitet e para: në Leskovik apo në Kardhiq (Gjirokastër)?
3) Pse vitin e parë të gjimnazit të Kardhqit rezulton më mesatare jo të kënaqshme, ndërsa në Leskovik rezulton gjenial?
4) Pse opinion publik e ke informuar që unë kam jetuar katër vite në qytetin e Fierit dhe kam qendruar tek motra, ku atëherë motra jote nuk ishte martuar ende?
Kaq për sot. Të tjerat më vonë.
«Nuk ke parë asgjë akoma, Flamur!»
Loja vazhdon!
Kryebashkiaku i Gjirokastrës, Flamur Golemi, ka reaguar pas akuzave që i janë bërë nga gazetari Telnis Skuqi për çështjen e shkollës së mesme. Në një deklaratë të gjatë, Golemi shpjegon se tre vite të gjimnazit i ka kryer në Leskovik, për shkak të rrethanave familjare. Më pas është transferuar në gjimnazin ‘Janaq Kilica’ në Fier, një prej gjimnazeve më të mirë në vend, ku ka kryer vitin e katërt. Ai bën publike edhe disa dokumente. Më poshtë deklarata e Golemit.
“Për shkak të rrethanave familjare, 3 vitet e para të gjimnazit (1990-1993) i kam kryer në Leskovik në shkollën ‘Jani Vreto’, me numër amze 1145. Vitin e fundit të gjimnazit (1993-1994) e kam ndjekur në shkollën ‘Janaq Kilica’ në Fier, i detyruar po nga rrethanat familjare. Me numër amze 6395. Në këtë gjimnaz jam diplomuar me rezultate shumë të mira. Më pas nisa Fakultetin e Mjekësisë në Tiranë. Më poshtë krahas dokumenteve për gjimnazin keni edhe për Fakultetin e Mjekësisë, se mos ndoshta ka dyshim ndonjëri edhe për këtë”.
Kryebashkiaku i Gjirokastrës publikon diplomat: Kështu është kur merremi me një torollak
