Kryesore

Zëdhënësi i Metës ‘i përvishet’ Ballës: Keni të drejtë, asnjëri s’është dënuar për drogë e prostitucion

               Publikuar në : 17:06 - 12/09/19 M. S

Në seancën e sotme plenare, kreu i grupit parlamentar të PS-së, Taulant Balla theksoi se pret lajme pozitive në 18 tetor në lidhje me çeljen negociatat me BE, duke shtuar se PS i ka kryer detyrat e shtëpisë.

“Dekreti për propozimin e kryetarit të Kontrollit të Lartë të Shtetit. Votojmë kundër kandidaturën e propozuar nga Ilir Meta, me arsye tërësisht të qëndrueshme. Dua të theksoj domosdoshmërinë e zgjidhjes së këtij ngërçi të krijuar për shkak të propozimit të kandidaturave të papërshtatshme, nga ana e Ilir Metës. Kam dakordësinë edhe të grupeve të tjera, për nevojën e diskutimit më të thellë për këtë çështje”, tha Balla.

Por pas fjalës së Ballës, një kundërpërgjigje ka ardhur nga zëdhënësi i Metës, Tedi Blushi. Presidenca ka reaguar pas vendimit të mazhorancës për të rrëzuar kandidaturën e radhës të Presidentit Ilir Meta, për në krye të Kontrollit të Lartë të Shtetit. Zëdhënësi i Presidentit Meta, Tedi Blushi, i është përgjigjur kreut të grupit parlamentar të PS, Taulant Balla, i cili tha sot në Kuvend se kandidaturat e Metës janë të papërshtatshme.

“Tao Tao ka të drejtë që kandidaturat e propozuara nga Presidenti Meta për Kryetar të Kontrollit të Lartë të Shtetit janë të papërshtatshme, pasi asnjë prej tyre nuk ka qenë i dënuar më parë jashtë vendit për trafik droge, trafik prostitucioni apo vjedhje banesash.

Po kështu asnjë prej tyre nuk e ka marrë diplomën e shkollës së lartë, pa bërë fare të mesmen. Presidenti Meta është i paaftë të propozojë kandidatë me rekorde kaq pozitive që do garantonin hapjen e negociatave në 18 tetor 2019, me ovacione nga të gjitha vendet anëtare”.

Kthehu
WhatsApp Denonco ne TT