Teksa u duk se situata u qetësua disi, pasi Donald Trump pranoi humbjen përballë rivalit Joe Biden, të tjera lajme aspak të mira vijnë për ish-presidentin.
Sot Iraku ka lëshuar një urdhër arresti ndaj presidentit në largim të Shteteve të Bashkuara, Donald Trump.
Ky urdhër-arrest është lëshuar nga një gjykatës në Bagdad, në lidhje me vrasjen e gjeneralit iranian Qassim Soleimani dhe Abu Mahdi al-Muhandis dhe një lideri të milicisë irakiane në janarin vitit të kaluar. Lajmin në fjalë e raporton Washington Post.
Al-Muhandis ishte zëvendëskryetar i një milicie irakiane, e cila mbështetej nga grupe iraniane. Ndërkaq, Soleimani ishte komandant i forcave Quds të Gardës Revolucionare të Iranit.
Washington Post shkruan se akuza për vrasje në Irak ka dënim me vdekje. Por, ky urdhër-arrest ndaj Trumpit është më shumë simbolik dhe nuk ka gjasa te zbatohet.
Vendimi për ta lëshuar këtë urdhër u tha se u bë “pasi gjykatësi kishte marrë deklaratat nga familja e Abu Mahdi al-Muhadis”, të cilët janë në cilësinë e paditësve. Hetimi për këto vrasje është duke vazhduar, njoftoi Këshilli gjyqësor Suprem.
Ky urdhër-arresti vjen në një kohë kur Joe Biden është zyrtarizuar si president i Shteteve të Bashkuara të Amerikes. Kongresi amerikan e ka shpallur presidentin e 46 në historinë e SHBA-së.
Protestat e dhunshme që ndodhën në Kapitol ditën e djeshme ku mbetën të vrarë 4 persona dhe u arrestuan 52 të tjerë, u dënuan gjerësisht nga politikanët më të lartë në Amerikë, ndërsa bënin thirrje që Trump të tërhiqte protestuesit. Sot Kongresi ka certifikuar zyrtarisht Joe Biden president.
