Serbia po përdor sërish sportin, për politikë! Ministri i Punëve të Jashtme të Serbisë, Ivica Daçiç, ka shpërblyer me mirënjohje tenistin me famë botërore, Novak Djokovic. Një akt i tillë ka ardhur pasi tenisti ka ndërmarrë nismën për të lobuar për heqjen e njohjeve të pavarësisë së Kosovës.
Sipas tij, Serbia duhet të përdorë sa më shumë emrat e njohur që ka në fushën e diplomacisë, siç është edhe rasti i Novak Djokovic. Ky i fundit njihet për qendrimet e tij anti-Kosovë, ku shpeshherë ka dalë hapur publikisht. Tenisti po përdoret nga Serbia, në lobimin kundër njohjes së Kosovës.
“Novak pyetëm se çfarë mund të bëjmë. Ai pret me padurim çdo tërheqje të njohjes së Kosovës. Shumë liderë botëror më pyesin për të, dhe unë e telefonova që t’iu dërgonte atyre topa apo një raketë tenisi me një autograf. Këtë vit, unë kam nderit e madh që këtë mirënjohje t’ia jap legjendës së gjallë, Novak Djokovic, që është dëshmi se atletët janë ndoshta ambasadorët më të mirë të vendit tonë në botë”, tha Daçiç gjatë ceremonisë.
Në këtë ceremoni ka qenë i pranishëm edhe ambasadori i SHBA-së në Serbi, Anthony Godfrey, i cili ka publikuar një fotografi të Daçiç dhe Djokovic.
“Këtë mëngjes, pata nderin që të isha pjesë e pritjes në ceremoninë e shënimit të Ditës së Diploamcisë Serbe, në të cilën ministri Daçiç prezantoi çmimin për Novak Djokovic”, ka shkruar Godfrey në llogarinë e tij në Twitter.
Serbia është duke e përdorur tenistin Novak Djokovic. Këtë e ka konfirmuar edhe Ministri i Jashtëm i Serbisë, Ivica Daçiç, duke vërtetuar se e ka përfshirë në misionet e tij diplomatike.
