E diel, 16 Janar, 2022
-3.5 C
Tirana

Skandali që bëri bujë në Shqipëri/Elisabeta Imeraj zbardh hetimet

Pas publikimit të pagave të janarit e prillit të 2021, dje ka ardhur dorëheqja e parë. Tre ditë pas rrjedhjes së të dhënave, ka dhënë dorëheqjen Drejtori i Sistemit Informatik të Tatimeve, Ervin Muça. Ai është vënë në dispozicion të hetimeve. Ndërkohë një ditë pasi regjistroi procedim penal për “Ndërhyrje në sistemet kompjuterike” dhe për “Shpërdorim Detyre”, Prokuroria e Tiranës ka marrë në pyetje 14 ekspertë të IT në institucionet: Drejtoria e Tatimeve, Instituti i Sigurimeve Shoqërore dhe Agjencia Kombëtare e Shoqërisë së Informacionit.

Këta punonjës kanë pasur akses në serverin e pagave të qytetarëve. Organi i akuzës po kryen ekspertim edhe te kompjuterët e specialistëve të Tatimeve. Një ditë më parë, Prokuroria vendosi sekuestro mbi serverat e tre institucioneve, nga ku dyshohet se ka patur rrjedhje të dhënave personale. Gjithashtu është ngritur tashmë një grup hetimor për të kryer hetimet përkatëse në AKSHI dhe ISSH, po ashtu edhe në Drejtorinë e Përgjithshme të Tatimeve. Ndërkohë ditën e djeshme skandali është thelluar pasi ka dalë dhe një listë me targat e automjeteve në pronësi të qytetarëve dhe të bizneseve. Bëhet fjalë për një databazë me mbi 500 mijë emra.

Drejtuesja e Prokurorisë së Tiranës, Elisabeta Imeraj është shprehur se hetimet për të gjetur autorin që ka shpërndarë listën e pagave vijojnë, duke u shprehur e bindur se përgjegjësit do të gjenden. Ajo paralajmëroi se do të ketë një tjetër konferencë për zbulimin e autorëve, teksa shtoi se grupi hetimor është i përkushtuar dhe do të ketë autorë që do të shkojnë para drejtësisë.

“Ne jemi këtu sot për të bërë me dije veprimet tona hetimore përgjatë disa muajve. Falenderoj Policinë e Shtetit. Duke qenë se është sensitive për shkak të vëmendjes së shtuar. Prokuroria po kryen çdo veprim të nevojshëm hetimor. Veprimet do jenë intensive. Grupi hetimor është i përkushtuar. Dhe normalisht do kemi autorë. Grupi hetimor që heton atë çështje, po kryen veprimet e duhura. Do kemi një konferencë tjetër për zbulimin e autorëve. Do keni një përgjigje, sepse përgjigjja e prokurorëve nuk është me konferenca për shtyp, por me vendimmarrje”, tha Imeraj.

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...