Rritet fluksi i qytetarëve në Vlorë që duan të marrin shërbime në zyrat e aplikimit për pasaporta dhe kartë identiteti.
Bëhet me dije se fluksi është aq i madh sa shpesh herë disa qytetarëve u duhet të rikthehen disa herë në ditë për të marrë një numër aplikimi. Shkak për këtë fluks është skadimi i kartave të para të identitetit të cilat janë prodhuar në vitin 2009, kohë kur edhe shumica e qytetarëve në gjithë vendin kanë aplikuar.
Tjetër shkak për radhët e gjata është bërë edhe ardhja e emigrantëve nga Italia dhe Greqia. E njëjta situatë paraqitet edhe në Berat, ku një numër i madh i qytetarëve janë dyndur pranë zyrave për aplikime.
