Rita Ora është larguar nga shtëpia e saj në Londër për të kaluar karantinën në një shtëpi në fshat së bashku me disa miq, zgjedhja e këngëtares ka irrituar shumë fansa, pasi sipas tyre ajo nuk ka respektuar masat e karantines.
Ditët e fundit, menaxheri i saj tha se ylli i pop-it gjendet në atë shtepi që nga 21 Marsi,para se të forcoheshin masat e kontrollit dhe të izolimit.
Megjithatë fqinjët e rinj janë të indinjuar me këngëtaren e cila duket se nuk po sillet me respekt ndaj tyre.
Sipas disave, Rita dhe miqtë e saj shetisin me biçikletë në korsinë e këmbësorëve pranë shtëpisë, duke i bezdisur ata.
Disa gjithashtu pretenduan se e kishin parë personalisht të shkonte në një fermë lokale dhe të
diskutonte në mënyrë të acaruar me pronarin.
Një fqinj tha se vajza e saj shtatë vjeçare filloi të qante kur këngëtarja dhe miqtë e saj filluan t’ju bërtisnin sepse po ecnin në një shteg për këmbësorë afër pronës së tyre, gjithashtu një dron, doli nga shtepia e Ritës dhe i ndoqi derisa u larguan.
Miqtë e Ritës e mbrojtën duke deklaruar per ‘The Sun’ se ylli i popit është duke punuar në shtëpi për albumin e ri dhe se kurrë nuk e ka shqetësuar lagjen dhe se e ka marrë izolimin shumë seriozisht për shkak të koronavirusit
Rita gjithashtu, për të ndjekur shembullin e nënës së saj Vera, është ofruar si vullnetare në spital me motrën e saj për të ndihmuar NHS nga urgjenca Covid-19.
