Pas akuzave të PD-së për fluturimet me charter për në Francë, një reagim është përcjellë nga kryeministri Rama. Ai hedh poshtë zërat që flasin se ai ndodhet në Francë, duke konfirmuar se ndodhet në Shqipëri.
Vizita e tij në Francë ishte e nivelit të lartë, duke ua kthyer me ironi pas akuzave të Partisë Demokratike që flasin për shpenzime luksi. Kreu i qeverisë ua kthen me të njëjtën monedhë, dhe thotë se shpenzimet marramendëse ua ka lënë atyre që nuk dinë të bëjnë gjë tjetër, veçse të shajnë natë e ditë.
Statusi
“Unë s’jam në Francë po në Shqipëri qysh pardje! Kam shkuar pasditen e të premtes e jam kthyer mesditën e të shtunës për një vizitë informale të nivelit të lartë dhe “shpenzimet e luksit e të fundjavave jashtë” ua kam lënë atyre që të vetmen punë kanë të më shajnê ditë-natë! Pikë”.
Unë s’jam në Francë po në Shqipëri qysh pardje! Kam shkuar pasditen e të premtes e jam kthyer mesditën e të shtunës për një vizitë informale të nivelit të lartë dhe “shpenzimet e luksit e të fundjavave jashtë” ua kam lënë atyre që të vetmen punë kanë të më shajnê ditë-natë! Pikë.
— Edi Rama (@ediramaal) June 1, 2020
Në një koment tjetër po në Twitter, ai ndalet edhe në Reformën Zgjedhore. Ai thotë se mazhoranca do të presë edhe sot opozitën, dhe thekson se PS e ka bërë pjesën e saj. Rama sqaron edhe heqjen e inerteve nga sheshet e rindërtimit, dhe thotë se me këtë detyrë është angazhuar ushtria.
“Sa për Reformën Zgjedhore dhe dizinformimet që vazhdojnë, do të presim edhe sot pa folur pasi kemi bërë pjesën tonë duke respektuar afatin 31 maj! Sot kemi angazhuar edhe ushtrinë për operacionin e pastrimit të inerteve nga sheshet e Rindërtimit, ku shpejt do të nisin projektet”, përfundon Rama.
Sa për Reformën Zgjedhore dhe dizinformimet që vazhdojnë, do të presim edhe sot pa folur pasi kemi bërë pjesën tonë duke respektuar afatin 31 maj! Sot kemi angazhuar edhe ushtrinë për operacionin e pastrimit të inerteve nga sheshet e Rindërtimit, ku shpejt do të nisin projektet😊
— Edi Rama (@ediramaal) June 1, 2020
