Ish-presidenti Bamir Topi nuk befasohet nga përplasja mes Qeverisë dhe Presidencës.
Teksa ishte i ftuar këtë mbrëmje në “Rtv Ora”, Topi u shpreh se gjithmonë ka një zgjidhje për problemin, por situata ku ndodhemi sot shfaqet ndryshe. Sepse mungon Gjykata Kushtetuese. Ndërsa shtoi që mosfunksionimi i këtij institucioni bllokon zgjidhjet e mundshme.
“Në mënyrë të vazhdueshme midis qeverisë dhe presidentit ka pasur probleme, madje ka pasur dhe përplasje të forta por asnjëherë si sot situata nuk është kthyer në kaotike. Gjithmonë ekziston një zgjidhje, por edhe atëherë kur zgjidhjet ishin të paevitueshme futej në lojë Gjykata Kushtetuese.
Sot kemi një krizë specifike që ka ndodhur dhe në të kaluarën, nuk ka asgjë të re në këtë përplasje mes mazhorancës dhe presidentit, por ajo që konsiderohet e re dhe që e rrit pamundësinë e zgjidhjes është mungesa e institucionit të Gjykatës Kushtetuese.
Madje kriza e fundit bëhet për Gjykatën Kushtetuese. Kjo është politika shqiptare, politikanët shqiptarë janë aktorë të këqinj të asaj që është besuar për ta realizuar. Reforma në drejtësi u iniciua, u suportua, u mbështet fort nga SHBA dhe politikës shqiptare ju la që ta zbatojë dhe implementojë”, deklaroi ish-presidenti Topi.
‘Meta kërcënoi me shpërndarjen e Kuvendit’, Rama i kthehet me ironi
“E prisja në Presidencë, Rama lahej në pishina”/ Meta: Do vijë koha dhe do flas
