Ish-truproja e Sasho Mijallkovit (ish-shefi i shërbimit sekret në Maqedoninë e Veriut), Draganço Stoimenov ka thyer masën e sigurisë “arrest shtëpie”. Mungesa e tij në banesë është konstatuar gjatë një kontrolli të zhvilluar nga autoritetet vendase.
Ministria e Brendshme bën me dije se po ndërmerren masa për gjetjen e tij. Stoimenov, i njohur ndryshe dhe si Daco Belski, akuzohet se ka qëlluar me armë zjarri në një lokal.
“Belskit gjykata i ka shqiptuar masën e arrestit shtëpiak dhe sipas kompetencave, policia disa herë gjatë ditës bën kontrollime. Me urdhër të Gjykatës, menjëherë janë ndërmarrë masa dhe aktivitete për gjetjen e personit”, deklaroi Ministria e brendshme për “Alsat M”.
Ky është rasti i dytë në një periudhë të shkurtër kohore kur nga “arresti shtëpiak” ikin të akuzuarit.
