Kryesore

“E prisja në Presidencë, Rama lahej në pishina”/ Meta: Do vijë koha dhe do flas


               Publikuar në : 22:43 - 14/11/19 L M

I pyetur për raportin që ka me kryeministrin Edi Rama, presidenti Ilir Meta mohoi të ketë probleme me të, teksa u shpreh se është treguar gjithnjë i gatshëm dhe i hapur për takime. Takime këto që janë refuzuar nga ana e Ramës, shprehet kreu i shtetit.

“Skam asnjë problem me Ramën. E kam pritur në Presidencë në pesë të mëngjesit, ai lahej në pishina tek Sheratoni, se kishte punë më të rëndësishme! Nuk kam asnjë problem për t’u takuar me Ramën dhe me asnjë politikan tjetër, ruaj rolin e presidentit”, deklaroi Meta këtë të enjte në “Opinion”.

Po ashtu, ai nënvizoi se Rama kërkon një president që të hedhë 2-3 firma, në dëm të shqiptarëve.

“Rama kërkon një President që të hedhë nja 2-3 firma ne atë zyrë për të hedhur në erë interesat e shqiptarëve dhe interesat e kombit. Ta harrojë! Sa të jem unë në atë zyrë deri në 24 korrik 2022 ato firma nuk do hidhen. Do vijë koha të flas dhe çfarë firma kërkohen. Por e përsëris ta harrojnë që unë do ti hedh ato firma. Presidenca nuk është as e mazhorancës dhe as e opozitës, por vetëm e popullit”, shtoi Meta.

Kthehu
WhatsApp Denonco ne TT