Futboll

Radiot franceze nuk do ta transmetojnë ndeshjen, refuzojnë kërkesat e FSHF


               Publikuar në : 21:57 - 16/11/19 L M

Plot katër stacione radiosh franceze, kanë njoftuar se nuk do të kenë mundësi të transmetojnë ndeshjen mes Shqipërisë dhe Francës ditën e nesërme, për dëgjuesit e tyre.

Është gazeta franceze “L’Equipe”, që shkruan se përfaqësuesit e radiove “Europe 1”, “Radio France”, “RMC” dhe “RFI”, kanë njoftuar se transmetimi nuk është i mundur prej “kostove teknike”, të kërkuara nga Federata Shqiptare e Futbollit.

Mbërrin kombëtarja franceze. ‘Blindohet’ kryeqyteti (VIDEO)

Përveç kostove tradicionale për instalimin dhe përdorimin e linjave, nga ana e FSHF siç duket ka ardhur edhe një kërkesë për një kosto tjetër, që për francezët nuk ishte e justifikueshme, dhe nuk ishte aspak në përputhje me rregulloren e UEFA-s.

Në këtë çështje ka ndërhyrë edhe Federata Franceze e Futbollit, duke u përpjekur për të gjetur një kompromis, por pa një marrëveshje në fund./PanoramaSport.al

Shqipëri-Francë/ Mes sportit dhe magjisë, Totti në ‘Air Albania’

Kthehu
WhatsApp Denonco ne TT