Kryeministri Edi Rama do të mbledhë ministra, deputetë e të gjithë Kryesinë e Partisë Socialiste nesër në Elbasan. Mësohet se kryeministri do të zhvillojë një darkë pune me të gjithë ekipin socialist, që nis në orën 18:30.
Në këtë mbledhje do të diskutohet mbi situatën aktuale politike dhe zgjedhjet lokale në vend, ku pritet që Rama të udhëzojë ekipin mbi strategjinë që do të mbajë e majta.
Kujtojmë se opozita ka braktisur mandatet, duke bojkotuar Kuvendin teksa kërkon krijimin e një qeverie tranzitore dhe zhvillimin e zgjedhjeve të parakohshme. Publikisht, kryeministri është shprehur se nuk do të ketë zgjedhje të parakohshme dhe as qeveri tranzitore, ndërsa ka deklaruar se opozita do hyjë në zgjedhjet lokale.
