Mjeku Erion Dasho shpreh shqetësimin se situata me pandeminë ka dalë jashtë kontrollit. Ai apelon ndaj qeverisë që të lejojë qytetarët të blejnë tamponin, dhe ta bëjnë vetë në shtëpi testin e Covid-19.
Dasho thotë se më e pakta që mund të bëj sot qeveria, është autorizimi i importit të një prej testeve të shpejta që përdoren në Europë, dhe lejimi i shitjes së tyre në farmaci.
Mjeku shton më tej se çdo qytetar mund t’a blejë privatisht testin, dhe të paraqitet pranë mjekut të familjes për ta kryer atë. Në këtë formë kursehen disa qindra euro në rastin kur nevojitet testimi i gjithë familjes.
Statusi
Në kushtet kur COVID ka dalë plotësisht nga kontrolli dhe po kërcënon jetën e qytetarëve, është kriminale që qytetarit shqiptar të mos i ofrohet MINIMUMI një test i shpejtë antigjenik me çmim të përballueshëm.
Më pak se 10 EURO kushton testi i shpejtë antigjenik në Europë! Në një status që publikova dje, u komentua se disa klinika në Tiranë e ofrojnë këtë test me çmimin spekulativ 10 mijë deri 15 mijë lekë të rinj!!! Me një normë fitimi një mijë përqind!!!
Më e pakta që mund të bëhet sot është autorizimi i importit të një prej testeve të shpejta që përdoren në Europë dhe lejimi i shitjes së tyre në farmaci.
Çdo qytetar mund t’a blejë privatisht testin dhe të paraqitet pranë mjekut të familjes për ta kryer atë! Kështu kursehen disa qindra Euro në rastin kur nevojitet testimi i gjithë familjes.
Një thirrje për qeverinë shqiptare!
Lehtësoni sado pak barrën financiare të epidemisë që u keni lënë në kurriz familjeve shqiptare!
Kujtohuni se keni ardhur në pushtet me premtimin për një shëndetësi falas!!!
