Një 51-vjeçar është arrestuar, pasi akuzohet se ka ngacmuar seksualisht një vajzë të mitur.
Bëhet me dije se në pranga ka rënë shtetasi me inicialet A.K., 51-vjeç, pasi ka ngacmuar seksualisht një 15-vjeçare.
Mësohet se dy personat ishin komshinj në lagjen “Afrim” në Fier.
“Specialistët për Hetimin e Krimeve në Komisariatin e Policisë Fier, arrestuan në flagrancë shtetasin A. K., 51 vjeç, banues në Fier, pasi dyshohet se ka ngacmuar seksualisht një shtetase 15 vjeçe”, thuhet në njoftimin e policisë.
Materialet i kanë kaluar Prokurorisë për veprime të mëtejshme procedurale, në lidhje me këtë çështje.
