Presidenti i Serbisë, Aleksandër Vuçiç, është shprehur se dëshiron që gjatë fundjavës të kthehet ora policore në vend.
Por ky sipas tij, nuk është një vendim që merret nga ai por Shtabi i Krizës. Kreu i shtetit serb paralajmëroi gjithashtu se duke filluar nga data 8 korrik, çdo tubim publik me më shumë se 5 persona do të ndalohet në Beograd.
“Gjendja është alarmante”, tha Vuçiç, duke shtuar se spitalet janë të mbingarkuara me pacientë.
Presidenti Vuçiç njoftoi për ndërtimin e dy spitaleve të improvizuara me kapacitet deri në 1 mijë shtretër. Aktualisht në Serbi ndodhen rreth 4 mijë pacientë me koronavirus të shtruar në spital.
Gjatë 24 orëve të fundit u regjistruan edhe 13 viktima, teksa numri i përgjithshëm i viktimave ka arritur në 330.
Ndërkohë, rreth 300 raste të reja u regjistruan në 24 orët e fundit, duke e çuar në 16,719 numrin total të rasteve të konfirmuara në vend.
