E mërkurë, 20 Janar, 2021
3 C
Tirana

Partnerja kryesore e Shqipërisë/ Ekonomia italiane pritet të bjerë me 11.2% në 2020

Komisioni Evropian ka rishikuar me ulje pritshmërinë për ecurinë ekonomike në 2020-n, ndonëse ka vlerësuar se më e keqja mund të ketë kaluar, pasi bizneset po rimëkëmben. Italia ka një pritshmëri shumë negative, me një rënie dy herë më të lartë sesa Gjermania, shkruan il Sole24ore.

«Ndikimi ekonomik i infeksionit është më i rëndë sesa pritej fillimisht – tha zv/presidenti i Komisionit Evropian, Valdis Dombrovskis –. Vazhdojmë të notojmë në ujëra të turbullta dhe përballemi me shumë rreziqe, një prej të cilave është vala e rëndë e infeksionit».

Për eurozonën, ekonomia do të bjerë me 8,7% në 2020 (7,7% ishte vlerësimi në maj). Rimëkëmbja pritet me 6,1% në 2021 (6,3% ishte parashikuar në maj).

Për Italinë, që është partneri kryesor i Shqipërisë për eksportet, me rreth 50% të totalit, tkurrja ekonomike pritet edhe më e thellë, me -11,2% këtë vit, me një rimëkëmbje prej 6,1% vitin e ardhshëm. Në maj, Komisioni i kishte parashikuar këto shifra përkatësisht: -9,5% e +6,5%.

Recesioni italian është pothuajse dyfish në krahasim me atë gjerman (-11.2% krahasuar me -6.3%) Për sa i përket Italisë, vendi i zonës së euros me vlerësimin ekonomik më zhgënjyes, Komisioni vëren se industria duhet të rimarrë veten para turizmit. Kthimi i rritjes në nivelet e vitit 2019 pritet vetëm në fund të vitit 2021. “Pritshmëria e rritjes mbetet subjekt i rreziqeve të shtuara”.

Një recesion i zgjatur në tregun e punës, pasi të kenë përfunduar masat e urgjencës dhe të ketë rënë më tej besimi i konsumatorëve mund të frenojë rikuperimin e pritur. ” Sa i përket inflacionit, Komisioni Evropian vlerëson se çmimet e konsumit në zonën e euros pritet të rriten me vetëm 0.3% me bazë vjetore në vitin 2020 dhe 1.1% në vit në 2021.

Ka vende ku inflacioni ka të ngjarë të jetë negativ këtë vit: Spanja, Greqia, Irlanda dhe Qipro. Në Itali, nga ana tjetër, çmimet e konsumit pritet të jenë të qëndrueshme. Të dhënat justifikojnë politikën monetare jashtëzakonisht të gjerë të Bankës Qendrore Evropiane. /Monitor

- Reklama -

Më shumë nga kategoria




Të fundit

Video/ Gol i “çmendur” në Angli, portieri shënon nga porta në portë

Portieri i Njuport, Tom King, në Ligën e Dytë angleze, ka shënuar një gol të çmendur ditën e sotme, që po bën xhiron e...

Vr*sja e Santos, dëshmitari: Ekzekutori më drejtoi armën, polici u fsheh

Në grahmat e fundit, bankieri përpiqet me sa mundet ti largohet rrezes së armës siç duket nga kamerat e sigurisë. Por, vrasësi dukej një...

Polemikat për WhatsApp dhe frika për privatësinë e të dhënave

Shumë përdorues e braktisën WhatsApp-in, pasi ai e ndryshoi politikën e tij të privatësisë. Shqetësimet se të dhënat e tyre mund të përfundojnë në...

Zhdukja e biznesmenit italian, gazetarja tregon bisedën me partneren shqiptare

Gazetarja Klodiana Lala ka rrëfyer se vetë ajo ka folur me partneren e biznesmenit të zhdukur italian, Davide Pecorelli. E ftuar në “Open”, Lala u...

Sondazhi/ Opozita fiton Tiranën më 25 Prill, PD rritje krahasuar me 2017-ën

Opozita e Bashkuar del fituese në zgjedhjet e 25 Prillit sa i përket qarkut të Tiranës. Ky është rezultati i sondazhit të parë  të “Notto...