Koronavirusi po shkakton viktima të shumta edhe në Turqi, teksa vetëm në 24 orët e fundit kanë humbur jetën 46 persona.
Ministria turke e Shëndetësisë bën më dije se numri i përgjithshëm i viktimave në vend ka shkuar në 214.
Në orët e fundit janë regjistruar 2,704 raste të reja me virusin COVID-19, në Turqi. Ndërkohë numri total i rasteve ka shkuar në 13,531.
Mediat turke raportojnë se që nga shpërthimi i koronavirusit, 243 pacientë janë shëruar dhe kanë lënë ambientet e spitalit.
Më shumë se 837 mijë raste me koronavirus janë regjistruar në të gjithë botën, ndërsa 41,245 persona kanë humbur jetën.
Italia, Spanja dhe SHBA mbajnë kryesimin për numrin më të madh të vdekjeve të shkaktuara nga koronavirusi. Vetëm në Itali numërohen më shumë se 12 mijë viktima. Në Spanjë janë shënuar 8,269 vdekje ndërsa në SHBA numërohen më shumë se 3,400 viktima.
