E enjte, 2 Dhjetor, 2021
13.5 C
Tirana

S’ishin paguar për orët shtesë, Leli jep lajmin e mirë për zjarrfikësit

Mediat ngritën shqetësimin një ditë më parë se 35 zjarrfikësit e Vlorës, të cilët po përballen me flakët, prej dy muajsh nuk paguhen për orët shtesë. Ata janë paguar për 178 orë gatishmëri, në luftën kundër flakëve që kanë djegur me qindra hektarë tokë, por edhe banesa e stane. Kreu i Bashkisë së Vlorës, Dritan Leli mohoi lajmin, duke pretenduar se ‘pagesat për orët shtesë kanë kaluar në llogaritë e zjarrfikësve që më datë 4 gusht’. Por në këtë pjesë nuk kishte asgjë të vërtetë, pasi asnjë qindarkë nuk ka kaluar për ta.

E ndërsa sot Dritan Leli jep një tjetër version të situatës. Kreu i Bashkisë së Vlorës ka pranuar se zjarrfikësit në Vlorë, prej dy muajsh nuk kanë marrë paratë që i takojnë për orët shtesë të punës.

Leli nuk specifikoi se cilat ishin këto kufizime ligjore, ndërsa tha se ata do të marrin paratë që i takojnë, por pa dhënë një datë se kur do të ndodhë kjo.

“Zjarrfikësit janë paguar të gjithë për orët e punës së zakonshme, për orët shtesë dhe do paguhen për të gjitha orët shtesë që kanë ngelur pa paguar për arsye të kufizimeve ligjore që ka për pagesën e tyre. Punonjësit e zjarrfikëses do paguhen për çdo orë pune”, tha Leli.

Bashkia e Vlorës ka një fond prej 35.3 milionë lekësh për Policinë e Mbrojtjes nga Zjarri dhe Shpëtimit, me synim që të përmirësohet siguria publike nëpërmjet sigurimit të mbrojtjes kundër zjarrit dhe shpëtimit.

Ndërsa bazuar në buxhetin e vitit 2021 të kësaj Bashkie, fondi i pagave për personelin e zjarrfikësit ku përfshihen komisar zjarrfikës, kryeinspektor zjarrfikës, krye-zjarrfikës, zjarrfikës, asistent zjarrfikës është mbi 33 milionë lekë. Nga fond 5.5 milionë lekë është i përcaktuar për orët shtesë dhe qëndrimin në gatishmëri, ndërsa paga mujore e një zjarrfikësi në Vlorë është 46 mijë lekë.

- Reklama -

Më shumë nga kategoria




Të fundit

Nëse “Foltorja” është demokraci, atëherë PD e meriton Berisha&Bashën

Nga: Ben Andoni Nëse në fillim njerëzit e PD-së mundoheshin të gjenin atë të veçantën dhe mënyrën sesi do të mbrohej Berisha me etiketimin “Non...

Ben Blushi dorëhiqet nga drejtimi i “Top Channel”

Ben Blushi ka dhënë dorëheqjen nga "Top Channel", media e njohur të cilën e drejtonte prej katër vitesh. Nga sot ai nuk është më...

Komiteti Teknik publikon masat e reja, çfarë do ndodhë nga 4 janari

Pas rritjes së rasteve dhe shtrirjes së madhe në mbarë botën si pasojë e variantit Omicron, Komiteti Teknik i Ekspertëve ka vendosur që të...

Sebastian Kurz tërhiqet nga politika

Akuzat për korrupsion e detyruan Sebastian Kurz-in të jepte dorëheqjen si kancelar austriak. Kreu i ÖVP tani largohet nga të gjitha funksionet e tij...

24 vende të botës me Omicron, OBSH: Rrezik më i lartë i ri-infektimit

Zyrtarët shëndetësorë thonë se varianti i ri i koronavirusit Omicron tani është bërë dominues në Afrikën e Jugut, dhe po nxit një rritje të...