E enjte, 21 Tetor, 2021
8.5 C
Tirana

“Jam sëmurë, kam gruan për t’u kujdesur”, babai i Arbër Çekajt lihet në burg

Gjykata e Posaçme kundër Korrupsionit dhe Krimit të Organizuar (GJKKO), ka lënë në fuqi masën e sigurisë “arrest me burg” për babanë e Arbër Çekajt, Selim Çekaj.

Ky i fundit pretendon se nuk ka lidhje me ngarkesën e drogës, ndërsa si argument për t’u liruar nga burgu ka përdorur problemet shëndetësore, si dhe të kujdeset për bashkëshorten e tij. Muaj më parë ai u arrestua për 49 kg kokainë në kontejnerin me banane. Çekaj ka kërkuar të hetohet me masë më të butë sigurie, jo me “arrest në burg”.

Avokati: Selim Çekaj ka 5 diagnoza dhe është në gjendje të rëndë shëndetësore

Avokati i Çekajt, Maksim Haxhiaj u shpreh se Selim Çekaj është prej një muaji në burg, ka pesë diagnoza dhe është në gjendje të rëndë shëndetësore.

“Është skandaloze të futësh një të moshuar dhe person i vetëm si pjesë e një grupi të strukturuar kriminal”, deklaroi avokati i njohur Maksim Haxhiaj.

SPAK kërkoi masën e “arrest në shtëpi”, duke arsyetuar se nga të dhënat aktuale, nuk ka prova që ai të jetë i përfshirë në çështjet e trafikut të drogës. Sipas prokurorit, derisa të kryhen hetimet, Çekaj duhet të qëndrojë në “arrest shtëpie”.

Një tjetër arsye pse SPAK kërkoi zbutjen e masës së sigurisë është edhe mosha e thyer e Çekajt, por edhe fakti se i hetuari po mbahet prej javësh në qendrën spitalore të burgut, për shkak të problemeve të theksuara shëndetësore.

Selim Çekaj u vu në pranga, pasi policia sekuestroi sasinë prej 49 kg kokainë, në kompaninë e djalit të tij, e cila më herët kishte sjellë sasinë më të madhe prej 613 kg kokainë.

Djali i tij i dënuar me 14 vite burg për sekuestrimin e 613 kg kokainë

Selim Çekaj është babai i Arbër Çekaj, i cili është i dënuar me 14 vite burg pasi para 3 vitesh u kap me 613 kg kokainë në magazinat e kompanisë së tij të bananeve “Arbri Garden” në Maminas, po brenda një kontejneri. Në të njëjtën skemë u kap edhe Selim Çekaj, ku në kontejnerin ku ai priste bananet e porositura me firmën e tij “EcoalMax” nga Ekuadori, policia zbuloi të fshehur 49 kg kokainë. Kontejneri i Selim Çekajt ishte nën vëzhgim prej një muaji, dhe se kokaina ishte e ndarë në 31 pako e vendosur në shtyllat anësore të kontejnerit me banane.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...