Me ardhjen e stinës së vjeshtës shfaqen dhe virozat e shumta që kjo stinë mbart me vete. Të gjitha grupmoshat preken nga bllokimi i hundëve, temperatura, kolla dhe komplikacionet e tjera që sjell kjo periudhë e vitit. Zakonisht virozat shfaqen me kollë, që mund të jetë me sekrecione dhe pa sekrecione, lodhje, pafuqi, anoreksi apo djersë.
Kreu i Urgjencës Kombëtare, Skënder Brataj, nëpërmjet një postimi në Facebook ka treguar dallimet dhe ngjashmëritë midis virozave të stinës dhe koronavirusit. Brataj ka renditur simptomat e gripit dhe të ftohjes, në mënyrë që pacienti të bëjë dallimet me simptomat e koronavirusit.
Statusi
VIROZAT, NGJASHMËRITË DHE DALLIMET MIDIS TYRE
Epidemia nga Sars-Cov2/Covid-19 vazhdon të jetë prezent prej shtatë muajsh duke u përditësuar çdo ditë mbi gjendjen e saj. Ndërkohë po mbërrijnë virozat e stinës të cilat kanë shumë ngjashmëri dhe dallime midis tyre.
Për këtë arsye le të flasim se si duhet të veprojmë në rastin e shfaqjes së sëmundjeve me shkaktarët përkatës.
Le të fillojmë me Ftohjen(Rrufën) që është tipike e kësaj periudhe dhe Gripin që po ashtu është drejt mbërritjes.
Për të pasur idetë e qarta le të kthjellohemi që në fillim që pika e parë është kontakti me MJEKUN.
Së dyti le të shohim dallimet midis tyre për tu orientuar më shpejt se kush mund të jetë shkaktari gjendjes tonë SHËNDETËSORE.
Sot po flasim për dallimet midis RRUFËS DHE GRIPIT për të vazhduar më tej me ngjashmëritë dhe dallimet midis GRIPIT DHE COVID-19.
Këto ngjashmëri dhe dallime i kemi përmbledhur në tabelën e mëposhtme:
https://www.facebook.com/skender.brataj/posts/10223193342843974
