Një infermiere në Qendrën e Kujdesit të Jetës në Kirkland përgjatë një prononcimi për “CNN” rrëfeu një detaj domethënës që ajo kishte vënë re gjatë kujdesit për të infektuarit me koronavirus.
Infermierja zbuloi se sytë e skuqur ishin simptoma e përbashkët e të gjithë të infektuarve nga COVID-19.
Përveç simptomave të tjera si ethe, kollë dhe gulçim, sytë e skuqur ishin detaji që kishte vënë re tek të gjithë pacientët e prekur.
Në fakt, nuk bëhet fjalë për një skuqje të pjesës së bardhë të syrit, por një skuqje e lehtë në pjesën e jashtme të tij.
Pavarësisht shfaqjes apo jo të simptomave të tjera, në momentin që pacientët shfaqeshin me sy të skuqur, infermierja e kuptonte se për çfarë bëhej fjalë, shkruan “iconstyle”.
Por vlen të theksohet fakti se ky është vetëm një konstatim i saji dhe ende detaji në fjalë nuk është “futur” zyrtarisht në simptomat e COVID-19.