Kreu i Shtetit, Ilir Meta, duket qartazi se është pozicionuar në krah të ish-kryeministrit Berisha në betejën e brendshme të PD-së, dhe në atë me amerikanët. Si filim i doli Berishës në krah në akuzat e tij, se SHBA-ja cënoi sovranitetin me kërkesën e përjashtimit. Po ashtu deklaroi se nuk do të lejojë që vendi të mbetet pa opozitë, duke dhënë sinjale se do të tentojë të marrë frenat e saj. Dje presidenti ka uruar ish-kryeministrin për 77 vjetorin.
“Sot e urova përzemërsisht Prof. Dr. Sali Berishën me rastin e 77-vjetorit të lindjes! Për më tepër, që numri 77 sipas Biblës është edhe simbol i përsosmërisë!”, shkruan Meta në Facebook.
Ky urim vjen në një kohë kur Berisha ka nisur një luftë të fortë me SHBA-në dhe Bashën. Meta demostron se do i gjendet në krah ish-kryeministrit.
Nga ana tjetër, Gjykata Kushtetuese ka zhbllokuar procesin për presidentin Ilir Meta. Katër muaj nga momenti i depozitimit të vendimit të Kuvendit, gjykata ka vendosur të kalojë për gjykim rastin në fjalë.
