Drejtuesja e Departamentit të Sëmundjeve Infektive në ISHP, Silva Bino, është shprehur se në dy javët në vijim pritet rritje e numrit të të infektuarve.
Nëse qytetarët mendonin se e kanë kaluar pikun, atëherë gabohen. Jo vetëm numri i të infektuarve, por edhe pacientëve që humbin betejën me COVID-19 është i lartë.
E ftuar në emisionin e Eni Vasilit, Bino tha se numrat e këtyre ditëve janë personat e infektuar në muajin maj, dhe sipas saj, të infektuarit e qershorit do të shihen në korrik.
“Shifrat e larta që kemi këto kohë, janë të infektuarit e muajit maj. Infektimet e qershorit do ti shikojmë në korrik. Këto dy javë presim një rritje të numrit të infektuarve. U bëjmë thirrje qytetarëve, që të respektojnë masat”.
