Uniformat blu në Tiranë kanë zbardhur në kohë reale ngjarjen e ndodhur dje në rrugën “Muhamet Gjollesha”, në Tiranë, ku mbeti i plagosur rëndë me armë zjarri 26-vjeçari Indrit Çela, i cili mëngjesin e sotëm ka ndërruar jetë në spital.
Indrit Çela po kryente sistemin e kondicionimit të vilës 3-katëshe, kur u kofliktua me dy djemtë e pronarit. Gjatë sherrit, vëllezërit e qëlluan me armë, duke e lënë të plagosur rëndë me plumb në kokë. Fatkeqësisht, i riu ka ndërruar jetë mëngjesin e sotëm në spital.
Dy vëllezërit G.K. 31 vjeç dhe A.K. 28 vjeç, janë shpallur në kërkim. Policia shton më tej se janë arrestuar katër persona të tjerë, mes tyre babai i dy vëllezërve, të cilët akuzohen për “moskallëzim krimi”, dhe “veprime që pengojnë zbulimin e së vërtetës”.
Më poshtë ju sjellim fotografinë e të riut, i cili u qëllua me plumb në kokë.
