Në datën 18 dhjetor, në të njëjtën ditë kur Lulzim Basha ka thirrur Kuvendin në Pallatin e Kongreseve, Komisioni për Rithemelimin e PD-së do të mbajë referendumin për të zyrtarizuar shkarkimin e tij.
Komisioni i Rithemelimit ka publikuar njoftimin mbi mbajtjen e referendumit për shkarkimin e Lulzim Bashës. Referendumi do të zhvillohet më 18 dhjetor, ditën kur do ta mbahet Kuvendi i PD-së, ndërsa orari i votimit do të jetë nga 08:00 deri në orën 17:00.
Ngjarja e së shtunës, shënoi kulmin e një lufte tre mujore mbi lidershipin e Partisë Demokratike.
Basha lëvizi kundër ish-mentorit të tij, pasi Shtetet e Bashkuara në maj e shpallën Berishën “person non-grata”. Kreu i PD-së e përjashtoi Berishën nga grupi parlamentar i partisë, në prag të seancës së parë të Parlamentit në shtator, pas zgjedhjeve të përgjithshme të prillit që demokratët humbën ndaj socialistëve në pushtet për të tretën herë radhazi.
Një ditë më parë, trupa diplomatike me në krye ambasadoren e SHBA-së, Yuri Kim, zhvilluan një takim me liderin e PD-së, Lulzim Basha.
Në përfundim të këtij takimi, kreu demokrat tha se takimi ishte për të djeshmen, të sotmen dhe të ardhmen. Këto janë provat se Ambasada e Shteteve të Bashkuara të Amerikës dhe vendeve të Bashkimit Europian janë rreshtuar në krah të kreut demokrat, Lulzim Basha, në përplasjen me ish-kryeministrin Sali Berisha.
