Kryeministri Edi Rama në emisionin “Opinion” ka dhënë një mesazh për Kryetarin e PD-së Lulzim Basha.
Siç e pohoi edhe vetë kryeministri, mesazhi që dëshiron t’i japë aktualisht Bashës është i njëjti me atë që i ka dhënë në kohën kur ra tërmeti i 26 nëntorit: “Nuk është koha për aksione opozitare, është koha për të qenë një”.
Blendi Fevziu: Çfarë mesazhi keni për Bashën?
Rama: “Atë mesazh që kam pasur kur patëm tërmetin, atë mesazh që ka një njeri normal në një kohë anormale. Kjo nuk është koha për aksione opozitare, për task-forca opozitare, propozime opozitare, është koha për të qenë një.
Unë ndjek përveç të tjerave se si sillen opozitat në vendet e tjera. Një opozitë e ndërgjegjshme që ka diçka për të thënë ose për të nxitur nuk del në televizor për ta bërë. Por, shkon në kanalin e duhur që është kanali i komunikimit institucional.
Spanja para dy ditësh ka shpërndarë masivisht të gjitha maskat stok të cilave u kishte kaluar afati. Kalimi i afatit të maskave është si e parfumit, i cili nuk e ka efektin 100%, por 98% etj”.
