Presidenti i Kosovës, Hashim Thaçi ka zgjedhur ta kalojë këtë të diel në vendlindjen e tij, në fshatin e Burojës.
Kreu i shtetit ka publikuar në Facebook një fotografi me prindërit e tij, ku krahas saj shkruan: “Në vendlindje, me prindërit. HTH”.
Kujtojmë se presidenti Thaçi pritej që të mbante një konferencë mbrëmjen e sotme, por zyra e presidencës njoftoi më herët shtyrjen e saj.
Ai shtyu për të hënën adresimin e tij për opinionin publik, lidhur me aktakuzat e ngritura nga Zyra e Prokurorit të Specializuar.
Në Gjykatën e Hagës është dërguar një aktakuzë me dhjetë pika për shqyrtim, në të cilën Hashim Thaçi, Kadri Veseli dhe të tjerë, akuzohen për një sërë krimesh kundër njerëzimit dhe krimesh lufte.
Ditë më parë, prindërit e Thaçit u shprehën krenarë për veprimet e të birit, teksa thanë se ai do të dalë fitimtar në këtë situatë, pasi ‘është në rrugën e drejtë’.
