Erion Isufi, kunati i kreut të opozitës, Lulzim Basha, ka paditur sot për shpifje dhe fyerje kryetarin e Bashkisë Tiranë, Erion Veliaj.
Isufi e ka depozituar padinë e tij në Gjykatën e Posaçme të Shkallës së Parë për Korrupsionin e Krimin dhe Organizuar.
Në padinë e tij, Isufi ka kërkuar nga Gjykata e Posaçme të shpallë fajtor Veliajn për akuzat që ky i fundit se pala paditëse zotëronte katër vila dhe i kishte përfituar ato gjatë periudhës së pandemisë, duke fshehur qëllimisht të vërtetën rreth kësaj çështjeje.
Në padinë e tij, Isufi shprehet se këto deklarata Veliaj i ka bërë më 14 janar 2021 gjatë takimeve elektorale në Tiranë, ndërsa si motiv pretendon se janë akuza me qëllim që të dëmtojë perceptimin e publikut për viktimën e akuzave si familjar i kryetarit të Partisë Demokratike, Lulzim Basha.
