Ambasadorja e SHBA, Leyla Moses-Ones, i është drejtuar pak çaste më parë zyrës së kreut të PD, Lulzim Basha. Ky takim vjen vetëm 5 ditë përpara zgjedhjeve të 30 qershorit, ku mazhoranca ende vijon me qëndrimin e saj për zhvillimin e tyre pavarësisht se përfaqësuesit e saj që garojnë për bashkitë, në pjesën më të madhe të tyre nuk kanë kandidat përballë.
Me gjasë, takimi mes palëve mund të shihet si një përpjekje e mundshme e përfaqësueses së SHBA-së, për të nxitur dialogun dhe arritjen e një marrëveshje.
Dje, Kolegji Zgjedhor me 5 vota pro dhe asnjë kundër apo abstenim vendosi të mos bënte ndryshime në fletën e votimit, pas kërkesës së Partisë Uniteti Kombëtar për t’u dorëhequr nga gara, diçka e cila nënkupton edhe për shpërfilljen që ky institucion po i bën dekretit të Presidentit për anulimin e tyre.
