Në Itali, numri i të infektuarve dhe viktimave nga Covid-19, po rritet nga dita në ditë duke iu afruar shifrave të raportuara gjatë valës së parë.
Në 24 orët e fundit, 550 pacientë nuk arritën ta mposhtin virusin, ndërkohë që janë shënuar 40.902 raste të reja.
Numri i të infektuarve deri më sot në Itali, ka arritur në 1.107.303, ndërsa i viktimave në 44.139.
Aktualisht, në kurim spitalor janë 30.914 pacientë teksa 3.230 ndodhen në reparte të terapisë intesive.
Ministria e Shëndetësisë italiane ka vendosur që të rritet numri i zonave të kuqe.
Tashmë numri i zonave të kuqe është shtatë dhe ato janë: Campania dhe Toskana, që janë shtuar sot, Kalabria, Lombardia, Piemonte, Provinca e Bolzanos dhe Val d’Aosta.
Rajonet në zonën portokalli kanë shkuar në 9 dhe janë: Emilia-Romagna, Friuli dhe Marche duke u bashkuar me Abruzzo, Basilicata, Liguria, Puglia, Sicilia dhe Umbria. Lazio, Molise, Trento, Sardenja dhe Veneto.
