Shqipëria është zgjuar me masa të reja kundër përhapjes së COVID-19. Sikundër është njoftuar edhe më herët nga ana e kryeministrit Rama, të gjithë qytetarët që do të dalin nga shtëpia, duhet të marrin leje. Leja merret online përmes portalit e-albania.
Ajo merret vetëm nga një pjesëtar i familjes, dhe kontrolli bëhet nëpërmjet regjistrit të gjendjes civile.
Kjo leje nuk vlen për pensionistët. Procesi i këtij autorizimi ka krijuar mjaft probleme te personat që nuk zotërojnë një smartphone, dhe kur tek të moshuarit që nuk kanë asnjë person në familje që të kujdesen.
Asnjë pensionist nuk do të dalë nga banesa për të blerë ilaçe e ushqime. Qeveria ka deklaruar se pensionistëve që janë të vetmuar, dhe nuk i kanë fëmijët apo persona të afërm që jetojnë me ta, do t’u çohen ushqimet dhe ilaçet në banesë nga autoritetet përkatëse.
