Koronavirusi, fatkeqësisht ka marrë me mijëra jetë njerëzish në Itali, SHBA, Spanjë dhe shumë shtete të tjera të botës.
Sipas raportimeve zyrtare, në SHBA nga COVID-19 më 8 prill, kanë vdekur 1,973 persona. Numri i përgjithshëm i vdekjeve ka arritur në 14,600. Shtetet e Bashkuara tejkalojnë Spanjën për nga numri i viktimave.
Kësisoj, Shtetet e Bashkuara janë vendi i dyti me më shumë viktima nga koronavirusi, pas Italisë.
Ndërkohë raportohet se e treta në listë është Spanja.
Shteti i New York-ut, epiqendra e krizës së koronavirusit në SHBA, konfirmoi të mërkurën një tjetër rekord të vdekjeve nga COVID-19.
Mjekët dhe infermierët u shprehën të shqetësuar me shpejtësinë me të cilën pacientëve po u përkeqësohej gjendja shëndetësore dhe po ndërronin jetë. Vetëm në këtë shtet janë shënuar 6,268 vdekje nga koronavirusi.
Kujtojmë se në total, numri i personave të infektuar me virus në botë ka tejkaluar shifrën 1.5 milion.
