Shtatë pallatet që u dëmtuan nga tërmeti që tronditi vendin më 26 nëntor do të jenë objekt i hetimit të Prokurorisë së Lezhës.
Ndërtesat kanë pësuar dëmtime serioze dhe prokuroria ka dyshime se në këto pallate janë bërë ndërhyrje në kolonat mbajtëse si dhe janë ndërtuar shtesa të cilat kanë dëmtuar rëndë strukturën mbajtëse. Një prej pallateve është ndërtuar vitet e fundit, 6 të tjerët para viteve 90’.
Policia ka administruar provat nga policia gjyqësore. Për pallatin e ndërtuar vitet e fundit, policia ka dyshime se është punuar me materiale me cilësi të dobët dhe se nuk janë respektuar kriteret e duhura. Pallati është 10 katësh.
Në Bashkinë e Lezhës janë shpallur të pabanueshme 10 pallate dhe 2 institucione sipas bilancit zyrtar të raportuar pas tërmetit.
