Shtëpia e Bardhë në SHBA bëri me dije se zyrtari kryesor shëndetësor i vendit, Anthony Fauci nuk do të dëshmojë në komisionin e Kongresit.
Ky i fundit pritet të mbahet javën e ardhshme, me qëllim për të shqyrtuar menaxhimin e situatës së krijuar nga koronavirusi nga administrata e Trump.
Shtëpia e Bardhë u shpreh se nuk është produktive, që individët e përfshirë në punën për t’iu përgjigjur pandemisë të dëshmojnë në Kongres.
Dëshmia e Fauci-t u kërkua nga një nënkomision i Dhomës së Përfaqësuesve, për caktimin e fondeve që merret me programet shëndetësore, që ishte planifikuar për më 6 maj.
Drejtori i Institutit Kombëtar të Alergjive dhe Sëmundjeve Infektive, Anthony Fauci është një nga ekspertët kryesorë që po ndihmon Shtëpinë e Bardhë në përballimin e situatës së krijuar nga koronavirusi.
