Një 30-vjeçar shqiptar, u qëllua 7 herë me thikë nga një person i paidentifikuar ende në Greqi.
Mediat greke shkruajnë se edhe pse shqiptari ishte gati duke humbur jetën, ai nuk bashkëpunoi me policinë me kapjen e autorit që e sulmoi me thikë në zonën e Therissos, Heraklion.
Policia mori njoftim për ngjarjen në orën 6 të ditës së djeshme, ku i riu shqiptar u sulmua, ndërsa autori u largua nga vendi i ngjarjes.
I plagosuri kishte humbur shumë gjak dhe u mor menjëherë me ambulancë për t’u dërguar në spitalin e Venizelios. Atje iu nënshtrua një ndërhyrje kirurgjikale por gjendja e tij vijon të mbetet e rëndë.
Ai nuk pranoi të përmendte asnjë emër për të çuar në zbulimin e agresorit që e qëlloi me thikë.
